Ari Ólafsson, flytj­andi lags­ins Our choice, komst ekki áfram upp úr undan­keppni Söngvakeppni evr­ópskra sjón­varps­stöðva.

Alls komust tíu lönd áfram af þeim nítján sem kepptu í kvöld og var Ísland ekki dregið upp úr hatt­in­um að þessu sinni.

Þetta er fjórða árið í röð sem Ísland kemst ekki upp úr undanriðlunum. 

Flutningur Ara var óaðfinnanlegur og var íslenska hópnum vel tekið á sviðinu í Lissabon, sérstaklega þegar Ari brosti sínu breiðasta og fór upp á háu nótuna. 

Frétt af mbl.is

Ari flutti framlag Íslands með glæsibrag

Riðillinn var fyrir fram talinn sterkari en sá sem keppt verður í á fimmtudag og þá er spurning hvort það hafi haft sitt að segja að einungis tvær Norðurlandaþjóðir voru meðal keppenda í kvöld. 

Þessi lönd komust áfram: Austurríki, Eistland, Kýpur, Litháen, Ísrael, Tékkland, Búlgaría, Albanía, Finnland og Írland.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hátónasamkeppni og "má ég líka vera með á myndinni?"