Endurskoða allt regluverk um fjarskipti

5G á að vera í forgrunni nýrrar stefnu í fjarskiptamálum.
5G á að vera í forgrunni nýrrar stefnu í fjarskiptamálum. mbl.is/Ernir

Verulegar ógnir fylgja nútímafjarskiptum og þeim mun fjölga á komandi árum að sögn Hrafnkels V. Gíslasonar, forstjóra Póst- og fjarskiptastofnunar. Hrafnkell hélt ræðu á fundi um framtíð og stöðu fjarskipta á Grand hóteli í dag.

Sagði Hrafnkell mikilvægt að tryggja öryggi samfélagslegra innviða og væri verið að endurskoða allt regluverk er snýr að fjarskiptum hjá Evrópusambandinu. Í því samhengi benti hann á fyrirliggjandi tilskipanir hjá Alþingi, svo sem um persónuvernd og nethlutleysi. En áætlað er að hið nýja regluverk verði að fullu innleitt hér á landi 2019.

Spurður um hvort regluverkið geti verið í takt við tækniframfarirnar segir hann að „það sem var raunveruleikinn þegar endurskoðun regluverksins hófst 2010 er ekki sá sami raunveruleiki og er 2018. Þetta er lifandi verkefni.“

Innleiðing 5G-tengingar á að vera í forgrunni framtíðarstefnu stjórnvalda að sögn Sigurðar Inga Jóhannssonar, samgöngu- og sveitarstjórnarráðherra, sem einnig hélt framsögu á fundinum í dag. Hann sagði einnig að stefna skuli að því að bæta samskipti milli almennings og hins opinbera í gegnum netþjónustu og öpp, meðal annars í heilbrigðis- og menntakerfinu.

Ráðherrann tilkynnti einnig að hann hygðist efla til framtíðarfundar í þessum mánuði með hagsmunaaðilum á fjarskiptasviði til þess að ræða framtíðarstefnu í málaflokknum.

mbl.is
Óléttubekkur aðeins 69.000 beige eða cinnamon á litinn
Egat Era Óléttubekkur www.egat.is sími 8626194 Verð:69.000 vatns og olíuheldur...
Teikning eftir Mugg til sölu
Teikning eftir Mugg til sölu, úr Sjöundi dagur í paradís, blýants og tússteiknin...
 
Rafvirki óskast
Önnur störf
Rafvirki óskast Óskum eftir rafvirkja ...
Félagsstarf
Staður og stund
Aflagrandi 40 Opin vinnustofa klþ 9 og j...
Framhald uppboðs
Nauðungarsala
Uppboð Einnig birt á www.naudungarsolu...
Ráðstefna
Fundir - mannfagnaðir
Félag löggiltra endurskoðenda ENDURSK...