Samfélagsmiðlarisinn Facebook segist harma það að notendur miðilsins, sem tjáðu sig um jarðskjálftann mannskæða í Indónesíu, hafi séð skilaboð sín skreytt blöðrum og skrautræmum.
Að minnsta kosti 347 eru látnir eftir að jarðskjálftinn reið yfir eyjuna Lombok á sunnudag. Margir indónesískir notendur tjáðu sig á Facebook í kjölfar skjálftans, þar sem í mörgum tilfellum orðið „Selamat“ kom fyrir, en það getur bæði þýtt „að lifa af“ eða „til hamingju“, eftir samhenginu hverju sinni.
Kóðinn á bak við Facebook gerði hins vegar engan greinarmun þar á, og með hverjum skilaboðum sem innihéldu orðið fylgdu blöðrur og litríkar skrautræmur.
“Congrats” in Indonesian is “selamat”. Selamat also means “to survive.”
— Herman Saksono (@hermansaksono) August 6, 2018
After the 6.9 magnitude earthquake in Lombok, Facebook users wrote “I hope people will survive”. Then Facebook highlighted the word “selamat” and throw some balloons and confetti. pic.twitter.com/DEhYLqHWUz
Í yfirlýsingu til vefmiðilsins Motherboard segir Facebook: „Við hörmum að þetta hafi birst í þessu óheppilega samhengi og höfum síðan þá slökkt á þessum eiginleika á svæðinu.“
Bætir fyrirtækið við að hugur þess sé hjá því fólki sem varð fyrir skjálftanum.