Langflestir sofa í 6-8 klukkustundir

Langflestir sofa í 6-8 klukkustundir á hverri nóttu.
Langflestir sofa í 6-8 klukkustundir á hverri nóttu. AFP

Nærri 90% landsmanna sögðust sofa að meðaltali 6-8 klukkustundir á nóttu, þar af nær helmingur í 7 klukkustundir. Þetta kom fram í könnun MMR sem framkvæmd var dagana 26. júní til 3. júlí 2018.

Alls kváðust rúm 89% svarenda sofa að meðaltali í 6-8 klukkustundir á hverri nóttu en 44% sögðust sofa að meðaltali í 7 klukkustundir, 23% í 6 klukkustundir og 23% í 8 klukkustundir.

Þá sögðust 6% sofa í 5 klukkustundir á nóttu, rúm 2% í 9 klukkustundir, tæp 2% í 0-4 klukkustundir og tæpt 1% í 10 klukkustundir eða meira.

Konur (91%) voru líklegri en karlar (88%) til að segjast sofa að meðaltali 6-8 klukkustundir á hverri nóttu en hlutfall þeirra karla sem áætluðu svefntíma sinn að jafnaði vera 5 klukkustundir eða styttri (10%) var hins vegar hærra en kvenna (5%).

Þegar litið var til aldurs mátti sjá að svarendur 18-29 ára (9%) og 68 ára og eldri (9%) voru líklegri en aðrir til að segjast sofa 5 klukkustundir eða skemur á hverri nóttu en svarendur á aldrinum 50-67 ára voru líklegastir til að segjast sofa 6-8 klukkustundir á nóttu (94%).

Úrtak könnunar voru einstaklingar 18 ára og eldri valdir handahófskennt úr hópi álitsgjafa MMR. Svarfjöldi var 946 einstaklingar.

Nánar má lesa um niðurstöður könnunar MMR hér.

mbl.is
Til leigu góður bílskúr með millilofti.
Góður 23.5 fm bílskúr við Háaleitisbraut - heitt/kalt vatn, milliloft - rafmagn...
Ljósmyndanámskeið fyrir byrjendur
Ljosmyndari.is býður upp á fjölmörg námskeið á árinu 2019. 2ja daga ljósmyndanám...
Fjarnámskeið í ljósmyndun - fyrir alla
Lærðu á myndavélina þina, lærðu að taka enn beti myndir. Nú getur þú lært ljósmy...
Byggingarstjóri
Byggingarstjóri stebbi_75@hotmail.com sími 659 5648...