Bill Gates kominn í klósetttæknina

Stofnandi Microsoft vakti athygli á ráðstefnu í Kína á dögunum. Þar hélt hann fyrirlestur um klósetttækni og til áhrifaauka var hann með hægðir í krukku til að sýna áheyrendum. BBC greinir frá.

Gates var staddur á ráðstefnu um klósetttækni í Peking, höfuðborg Kína, sem kallast Reinvented Toilet Expo. Stofnun Gates og eiginkonu hans, Melindu Gates, hefur eytt yftir 200 milljónum Bandaríkjadala í rannsóknir á klósetttækni á síðastliðnum sjö árum og fékk boð frá forseta Kína, Xi Jinping, til þess að koma ráðstefnunni af stað.

Gates var með krukku af hægðum með sér í ræðupúltinu.
Gates var með krukku af hægðum með sér í ræðupúltinu. AFP

Endurnýjun klósetttækni er eitt stærsta stefnumál forsetans og á ráðstefnunni voru tuttugu hreinlætisvörur til sýnis, en allar hafa þær þann tilgang að eyða bakteríum og koma í veg fyrir sjúkdóma.

Í fyrirlestri sínum sagði Gates að fyrir tíu árum síðan hefði hann aldrei getað ímyndað sér að hann myndi nokkurn tíma vita svona mikið um hægðir. „Og ég hélt aldrei að Melinda myndi þurfa að biðja mig að hætta að tala um klósett og hægðir við matarborðið.“

Tæknin sem verið er að kynna í Kína snýst um að aðskilja vökva og þurrefni í hægðum og fjarlægja aukaefni og sagði Gates að uppgötvanirnar væru þær merkustu í hreinlætisbransanum í meira en 200 ár.

Fyrir tíu árum síðan hefði Gates aldrei getað ímyndað sér ...
Fyrir tíu árum síðan hefði Gates aldrei getað ímyndað sér að hann myndi nokkurn tíma vita svona mikið um hægðir. AFP
mbl.is
Útsala!!! Kommóða ofl..
Kommóða til sölu.3ja skúffu ljós viðarlit.. Mjög vel útlítandi..Verð kr 2000. ...
NP þjónusta
NP Þjónusta Óska eftir að annast bókhaldsvinnu og fleira þess háttar. Upplýsinga...
Sendibílaþjónustan Skutla. Sími 867-1234
Tökum að okkur allrahanda sendibílaþjónustu á sanngjörnu verði. Sjá nánar á www....
Til leigu góður bílskúr með millilofti.
Góður 23.5 fm bílskúr við Háaleitisbraut - heitt/kalt vatn, milliloft - rafmagn...