60% andvíg Icesave-lögunum
Setja bókamerki
Um 40 prósent þeirra sem tóku afstöðu í skoðanakönnun Fréttablaðsins
vilja að lög um ríkisábyrgð á Icesave, sem forsetinn synjaði
staðfestingar, haldi gildi sínu. Sex af hverjum tíu ætla að hafna
lögunum.
Mikill munur er á stuðningi við lögin hjá
stuðningsmönnum stjórnmálaflokkanna. Aðeins fimmti hver stuðningsmaður
Sjálfstæðisflokks og Framsóknarflokks styður lögin, en þrír af hverjum
fjórum stuðningsmönnum Samfylkingarinnar, samkvæmt frétt Fréttablaðsins.
Ákvörðun Ólafs
Ragnars Grímssonar, forseta Íslands, að synja lögunum staðfestingar og
vísa þeim til þjóðaratkvæðagreiðslu, nýtur stuðnings mikils meirihluta
þjóðarinnar.
Alls sögðust 62,4 prósent þeirra sem afstöðu tóku í könnuninni styðja ákvörðun forsetans, en 37,6 prósent sögðust henni andvíg.
Brot úr þættinum On the Edge með Max Keiser þar sem Íslendingar eru hvattir til að greiða ekki af þáttarhöfundi er nú sýnt á YouTube.
Gestur í þættinum, Stacy Herbert, stjórnmálafræðingur, leiðréttir Keiser um að Íslendingar ætli ekki að greiða en hann segir að heimildir hans á Íslandi hermi að Íslendingar muni aldrei samþykkja lögin. Hann hrósar Íslendingum fyrir að standa upp gegn bankamönnunum og láta ekki kúga sig.
Herbert segir honum að Fitch hafi þegar lækkað lánshæfismat Íslands en Keiser segir að stjórnvöld í Bretlandi hafi sett hryðjuverkalög á Ísland. Ekki sé hægt að réttlæta slíkar gjörðir.
Hægt er að horfa á þáttinn hér
Bloggað um fréttina
-
60% andvíg Icesave-lögunum/já þetta er það sem þjóðin vill,en ekki …
-
Kemur ekki á óvart.
-
Fyrr hélt ég dauður
-
Áróðurinn gegn Icesave.
-
Hver hefur leyfi til að skuldsetja heila þjóð og niðja …
-
Liggur í augum uppi
-
Áskorun til ríkisstjórnar Íslands!
-
Er Ólafur Ragnar málsvari almennings víðar en á Íslandi?
-
Fjármálaterror og þjóðaratkvæði
-
Þjóðin og Samfylkingin eiga enga samleið.
-
Berjast fyrir Ísland !
-
Að hefja sig upp úr þrasinu