Selur í Soginu

Selur gengur svo til á hverju ári uppí Sogið til …
Selur gengur svo til á hverju ári uppí Sogið til að ná sér í lax. Morgunblaðið/Andrés Skúlason

Eins og oft gerist þegar fyrstu laxagöngurnar koma í Sogið þá fylgir þeim gjarnan selur og svo virðist vera núna eins og undanfarin ár að með fyrstu löxunum koma fyrstu selirnir.

Veiðimaður sem var á ferð í Þrastalundi sendi okkur línu og lét vita af selaferðum þar.  Það fréttist að selir hefðu sést á Bíldsfellinu en við höfum ekki fengið það staðfest hvort það sé búið að skjóta þá eða ekki.  Við viljum endilega koma því á framfæri að á vegum SVFR eru skyttur sem hafa séð um að skjóta sel þegar hann sést á svæðinu og veiðimenn því hvattir til að hafa samband við skrifstofu og láta vita af selaferðum. 

Við höfum ekki haft neinar fregnir af veiði í opnun Sogsins en það er ekki víst að hún hafi verið mikil ef það var selur á svæðinu.  Það er þó vonandi búið að skjóta selinn svo laxinn komist hindrunarlaust í ána.

Hvaða skoðun sem menn hafa svo sem á sel þá er það ótrúlega merkilegt hvað selurinn er þrautseigur að ganga langt inní land eftir uppáhaldsbráðinni.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Lagarfljót Jóhannes Sturlaugsson 2. október 2.10.
100 cm Stóra - Laxá Vigfús Björnsson 30. september 30.9.
102 cm Laxá í Aðaldal Aðalsteinn Jóhannsson 19. september 19.9.
103 cm Víðidalsá Rob Williams 17. september 17.9.
101 cm Stóra - Laxá Jim Ray 16. september 16.9.
102 cm Víðidalsá Svanur Gíslason 15. september 15.9.
101 cm Miðfjarðará Stebbi Lísu 14. september 14.9.

Skoða meira