Að sögn Estherar Guðjónsdóttur, bónda að Sólheimum og formanns Veiðifélags Stóru-Laxár í Hreppum, er búið að vera frekar dauf veiði í ánni að undanförnu, en heildarveiðin þó nálægt meðalveiði.
Sagði Esther að það væru komnir á land um 265 á svæði 1 og 2. Frekar rólegt hefur verið á svæði 3 og þar er búið að skrá 22 laxa en svæðið hefur líka ekki verið mikið stundað það sem af er sumri. Á efsta svæðinu, svæði 4, er búið að færa til bókar 62 laxa.
Alls væru því 349 laxar komnir á land sem væri nokkuð gott og nánast sama tala og á sama tíma í fyrra þegar að um 350 laxar voru komnir á land. Almennt væri búið að vera góð veiði i sumar, en væri þó frekar dauf í augnablikinu og kvaðst Esther vonast til að ástandið myndi lagast í kjölfarið á rigningum næstu daga.
Stóra-Laxá er þekkt síðsumarsá sem gefur oft mikla veiði síðsumars, einkum á neðstu svæðunum. Heildarveiðin sumarið 2017 var 589 laxar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |