Stórlaxar mættir í Þverá

Andrés Eyjólfsson með fallegan vorlax úr Guðnabakkastreng efri. Þessir veiddist …
Andrés Eyjólfsson með fallegan vorlax úr Guðnabakkastreng efri. Þessir veiddist í opnun í fyrra og er einmitt annar veiðistaðurinn þar sem Andrés sá fiska í morgun. Ljósmynd/IÁ

Andrés Eyjólfsson, yfirleiðsögumaður við Þverá í Borgarfirði, sá eina sex stórlaxa í tveimur hyljum í ánni nú í morgun. „Ég hef oft séð hann um þetta leyti og ég fór fyrst að Kaðalstaðahyl og þar sá ég þrjá stórlaxa og jafnvel þann fjórða. Því næst fór ég upp í Guðnabakkastreng efri og þar sá ég tvo boltafiska, svona tólf til fimmtán pund,“ sagði Andrés í samtali við Sporðaköst. Þeir eru fáir sem þekkja Þverá jafn vel og Andrés, sem hefur verið við ána áratugum saman.

Andrés segir að áin sé komin í júlívatn og viðurkennir að vatnsleysi kunni að verða mikið áhyggjuefni í sumar. „Ég fór yfir Tvídægru fyrir skemmstu og sá þá að þar er nánast orðið snjólaust þegar ég var að kanna vatnasviðið. Á móti kemur að veðurfræðingar spá rigningasumri. Við verðum bara að treysta á það,“ sagði Andrés.

Andrés með´ann í Guðnabakkastreng í opnun í fyrra.
Andrés með´ann í Guðnabakkastreng í opnun í fyrra. Ljósmynd/IÁ

Hann segir þetta hefðbundinn tíma fyrir laxinn til að mæta en vorið hafi verið fyrr á ferðinni en mörg undanfarin ár. „Við höfum verið með opnanir hér í byrjun júní og varla verið komin græn slikja á birkið. Nú er það orðið algrænt.“ Veiði hefst í Þverá í Borgarfirði 5. júní og opnunin í Kjarrá er hinn 8. júní.

Mikið var rætt um í fyrra að stórlaxinn væri að skila sér á nýjan leik í Borgarfjörðinn. Sérstaklega var eftir þessu tekið í Þverá og Kjarrá, en þar var aukningin mjög mikil eins og raunar í fleiri ám á Vesturlandi.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
104 cm Svalbarðsá Viggó Júlíusson 6. júlí 6.7.
104 cm Nesveiðar Hugo 29. júní 29.6.
104 cm Nesveiðar Aron Pálmarsson 27. júní 27.6.
107 cm Nesveiðar Hilmar Hafsteinsson 25. júní 25.6.
101,5 cm Laxá í Kjós Guðjón Þ. Guðjónsson 23. júní 23.6.
101 cm Blanda Pétur Pálsson 21. júní 21.6.
101 cm Víðidalsá James Murray 20. júní 20.6.

Skoða meira