Af skrímslum og veiðimönnum

Arnar Rósenkranz Hilmarsson trommuleikari með þennan líka urriða sem hann …
Arnar Rósenkranz Hilmarsson trommuleikari með þennan líka urriða sem hann veiddi í morgun í Ytri-Rangá. Ljósmynd/Aðsend

Arnar Rósenkranz, trommuleikari hljómsveitarinnar Of Monsters and Men, er ekki bara laginn með kjuðana. Hann er hörkuveiðimaður og sýndi það svo sannarlega í morgun. Hann var við veiðar í Ytri-Rangá og setti í og landaði þessum boltafiski.

Þetta er staðbundinn urriði og mældist 75 sentimetrar og eins og myndin ber með sér er hann í virkilega góðum holdum. Hann tók þyngda útgáfu af Black Ghost með gúmmífálmurum.

Jóhannes Hinriksson, staðarhaldari í Ytri-Rangá, sagði að Arnar hefði fengið fiskinn uppi í þorpi, við gamla brúnarhylinn. Aðspurður sagði hann að vorvertíðin hefði verið virkilega góð í Ytri-Rangá. „Það er enn sjóbirtingur á svæðinu og fékk ég síðast í gærmorgun einn í Djúpós. En það er líka búið að vera mikið ævintýri þegar menn hafa verið að setja í þessa stóru staðbundnu urriða, eins og Arnar fékk í morgun. Þarna eru innan um hrein skrímsli, þeir eru svo stórir og eftir því sterkir,“ sagði Jóhannes í samtali við Sporðaköst.

Nú er vorvertíðinni að ljúka hjá Jóhannesi og er síðasti veiðidagur á sunnudag, eða 31. maí. 

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
105 cm Blanda Nigel Hawkins 8. júlí 8.7.
104 cm Svalbarðsá Viggó Júlíusson 6. júlí 6.7.
104 cm Nesveiðar Hugo 29. júní 29.6.
104 cm Nesveiðar Aron Pálmarsson 27. júní 27.6.
107 cm Nesveiðar Hilmar Hafsteinsson 25. júní 25.6.
101,5 cm Laxá í Kjós Guðjón Þ. Guðjónsson 23. júní 23.6.
101 cm Blanda Pétur Pálsson 21. júní 21.6.

Skoða meira