Tíunda tölublað veiðitímarits Veiðihornsins er komið út. Nafn blaðsins er að þessu sinni tilvísun í að blaðið hefur komið út í áratug. Veiði X heitir blaðið að þessu sinni en hefur fram til þessa borið ártal. En rómverska X-ið er vel við hæfi.
„Veiði X er 108 síður og dreift í sex þúsund eintökum. Allt blaðið er unnið og prentað á Íslandi. Heimir Óskarsson á allan heiður að útlitinu. Golli á forsíðuna og fleiri myndir inni í blaðinu. Fjöldi mynda frá íslenskri veiðislóð prýðir Veiði X. Myndir eru frá Golla, okkur Maríu, ýmsum veiðimönnum og einnig eru fáeinar myndir úr síðustu myndasamkeppni Sporðakasta, Morgunblaðsins og Veiðihornsins frá í fyrra. Veiði X er prentað í Litlaprenti á vandaðan, umhverfisvænan pappír.
Við fengum nokkra vel þekkta veiðimenn til þess að skrifa fáeinar línur með heilræðum sérstaklega til nýliða,“ segir Ólafur Vigfússon um blaðið sem nú er komið í dreifingu og er í bunkum í versluninni í Síðumúla. Óli segir markmiðið að halda óbreyttu vöruverði fram á næsta vor.
“Blaðinu okkar er alltaf vel tekið og langt síðan menn fóru að spyrja hvort blaðið sé ekki alveg að koma.
Auðvitað er þetta rándýrt dæmi og ótrúlega mikil vinna sem liggur að baki en metnaður okkar er mikill og við viljum gera þetta vel. Undanfarin ár höfum við fengið mikið lof frá helstu birgjum okkar fyrir þessa útgáfu og það gefur okkur byr í seglin líka,“ segir Óli sem er spenntur að dreifa nýja blaðinu á Simms dögum um helgina í Veiðihorninu.
Fleira er á döfinni í Síðumúlanum, þar sem nýr vefur Veiðihornsins er í smíðum og er stefnt að því að hann fari í loftið í næsta mánuði og leysi af hólmi fimmtán ára gamlan vef.
Lengd á laxi | Veiðisvæði | Veiðimaður | Dagsetning Dags. |
---|---|---|---|
102 cm | Hvítá við Iðu | Ársæll Þór Bjarnason | 19. september 19.9. |
101 cm | Víðidalsá | Stefán Elí Stefánsson | 4. september 4.9. |
101 cm | Laxá í Dölum | Hafþór Jónsson | 27. ágúst 27.8. |
102 cm | Haukadalsá | Ármann Andri Einarsson | 23. ágúst 23.8. |
103 cm | Laxá í Aðaldal | Birgir Ellert Birgisson | 12. ágúst 12.8. |
103 cm | Miðsvæði Laxá í Aðaldal | Máni Freyr Helgason | 11. ágúst 11.8. |
101 cm | Laxá í Aðaldal | Agnar Jón Ágústsson | 10. ágúst 10.8. |