Hraunsfjörðurinn farinn að gefa

Þórarinn Þorbergsson sem flotta veiði úr Hraunsfirði í gær. Hann …
Þórarinn Þorbergsson sem flotta veiði úr Hraunsfirði í gær. Hann og félagi hans, Helgi Sigurðsson lönduðu tíu bleikjum á örlitla spinnera á rúmum tveimur tímum. Ljósmynd/Helgi Sigurðsson

Sjóbleikjan í Hraunsfirði er svo sannarlega farin að gefa sig. Helgi Sigurðsson og félagi hans Þórarinn Þorbergsson voru þar í gær við veiðar og lönduðu á rúmum tveimur tímum tíu bleikjum og voru allar nema tvær á bilinu 45 til 55 sentímetrar.

Eins og Helgi lýsir sjálfur þá voru þeir við fyrsta tanga fyrir innan grjótgarðinn að vestanverðu. „Við vorum að veiða þetta á örlitla spinnera og fiskurinn var mjög nálægt landi. Við sáum fisk á fleiri stöðum og urðum varir. Það voru ekki svo margir veiðimenn á svæðinu en við sáum allavega einn landa fiski skammt frá okkur í hraunkantinum,“ sagði Helgi í samtali við Sporðaköst seint í gærkvöldi.

Hann þekki svæðið vel og fer oftast til veiða í hraunkantinum að austanverðu. Hann sagði að þegar þeir félagar voru að hætta skömmu fyrir kvöldmat í gær voru fleiri veiðimenn að mæta á svæðið.

Þetta er náttúrulega einn best matfiskur sem völ er á?

„Já, sammála því. Konan sér nú yfirleitt um eldamennskuna. Við höfum þetta einfalt. Oftast pönnusteikt upp úr smjöri.“

Hraunsfjörðurinn er inni í Veiðikortinu og er það frábær fjárfesting fyrir veiðimenn sem eru á ferðinni og tilbúnir að kynnast ýmsum veiðistöðum.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira