Einn lax hefur veiðst í Húnavatnssýslum fram til þessa sem hefur náð þeirri eftirsóknarverðu mælingu, hundrað sentímetrar. Hann veiddist í Blöndu 9. júlí. Þetta er afar óvenjuleg staða fyrir þetta stórlaxasvæði, en dæmigert fyrir árferðið. Lítið er um þessa allra stærstu, en það kann að breytast þegar krókódílatíminn rennur upp.

Hnausastrengur í Vatnsdalsá gaf hundrað sentímetra fisk í morgun. Var það kærkomið og og sá fyrsti í Vatnsdal í sumar. Veiðimaður var Hjálmar Sigurþórsson og fékk hann stórvaxna hænginn á míkró túbuna Minkinn. Leiðsögumaður var Heimir Barðason.

Laxinn var tvímældur og var sléttir hundrað sentímetrar. Ummál var einnig tekið og var það fimmtíu sentímetrar.

Átta laxar komu á land í Vatnsdal í gær og þar af voru nokkrir sem veiddust fyrir ofan Flóð sem eru góðar fréttir því laxinn hefur átt erfitt með að ganga í gegnum Flóðið í Vatnsdal í þeim miklu hitum sem hafa verið á svæðinu í sumar.

Þetta er sautjándi laxinn á Íslandi í sumar sem nær þessari mælingu, hundrað sentímetrar.

Tengdar fréttir

Hundraðkallar

Stærsti til þessa líklega endurkomulax

• „Hjónabandið hékk á bláþræði“
• Stærsti laxinn það sem af er sumri
• Svakalegur höfðingi mættur í Elliðaárnar
• Fjögur tilboð og hundraðkall í Blöndu

» Fleiri tengdar fréttir

• Blogga um frétt

Seinustu hundraðkallar sumarsins