Nýjasta bók Nönnu Rögnvaldar, Pottur, panna og Nanna er mikill fjársjóður fyrir matgæðinga en þar eldar Nanna allt í steypujárnspottunum sínum auk þess að kenna réttu handbrögðin við meðhöndlun steypujárns.
Sjá frétt mbl.is: Leynitrix Nönnu: Meðferð og viðhald á steypujárni
Sjá frétt mbl.is: Ný bók og lambabógur að hætti Nönnu
Um þessa uppskrift segir Nanna sjálf:
„Það verður eiginlega að vera uppskrift að boeuf bourguignon í svona bók, er það ekki? Gallinn er að ég hef lesið og heyrt svo oft að það þurfi að vera ekta, maður eigi ekki að stytta sér leið ... og ég er einmitt að stytta mér fáeinar leiðir hér. Til dæmis notaði ég ekki perlulauk af því að ég nenni ómögulega að afhýða alla þessa litlu lauka og heldur ekki litlu sveppina sem eiga að vera af því að ég átti bara stóra sveppi. Og ég læt þetta sjóða með allan tímann. Svo að ég ætla bara að kalla þetta rauðvíns-nautapottrétt svo ég sé nú örugglega ekki að fara með fleipur.
Uppskriftirnar eru samt óteljandi og hægt að gera þetta á ótal vegu. Ég vil til dæmis hafa rauðvínssósuna mjög bragðmikla en frekar lítið af henni svo að ég byrja á að gera rauðvínsgrunn – sjóða vínið niður með grænmeti og kryddjurtum og láta kjötið svo malla í henni. Mér finnst þetta gefa bragðmeiri sósu en ef víninu er hellt beint í pottinn. En svo bæti ég við ögn af vatni og nautakrafti til að það verði einhver sósa ...
Hér hentar engan veginn að nota meyrt kjöt og best er að það sé vel fitusprengt. Bógvöðvi, skankar, eitthvað slíkt. Tilbúið nautagúllas er yfirleitt of smátt skorið, þrátt fyrir hæga eldun verða bitarnir þurrir. Best er að þeir séu 4–5 cm á kant."
Rauðvíns-nautapottréttur
Fyrir 6
Aðferð: