Geggjaðar humar- og túnfiskvefjur
Setja bókamerki
Margir halda að það sé bara hægt að hægelda kjöt í þar til gerðum sous vide-græjum en það er alls ekki rétt. Hægt er að nota aðferðina á nánast allt eins og Viktor Örn Andrésarson gerir í Sous vide-bókinni sem komin er út. Þar sous vide-ar hann meðal annars grænmeti, fisk, sósur og já... bernaise-sósu.
Hér er uppskrift úr bókinni af humar- og túnfiskvefju sem er alveg hreint mögnuð og mun engan svíkja.
HUMAR- OG TÚNFISKVEFJUR
HUMARVEFJUR
- 3 hveitikökur
- Smá olía
- Smá salt
- 5 humarhalar, stærð 7-9
- 1 vorlaukur
- 1 rautt chilialdin
- Japanskt majónes eftir smekk
- 3 stilkar kóríander
TÚNFISKVEFJUR
- 3 hveitikökur
- Smá olía
- Smá salt
- 300 g túnfiskur
- 1⁄2 mangó
- Japanskt majónes eftir smekk
- 3 stilkar steinselja
Aðferð:
1. Stillið hitajafnarann á 72°C.
2. Veltið túnfiskinum og humrinum upp úr olíu og salti og setjið í sinn hvorn pokann.
3. Eldið humarinn og túnfiskinn í 4 mínútur.
4. Takið úr pokunum, setjið á bakka og notið gasbrennara til að steikja túnfiskinn og humarinn lítillega.
5. Skerið humarinn og túnfiskinn í litla bita og setjið í hvort sína skálina.
6. Saxið restina af hráefninu fyrir humarvefjurnar og svo túnfiskvefjurnar í skálarnar.
7. Takið hveitikökurnar og stingið út litlar, kringlóttar kökur, um 10 cm að þvermáli.
8. Hitið kökurnar í örbylgjuofni eða á pönnu.
9. Deilið salötunum jafnt á milli vefjanna og setjið japanskt majónes ofan á eftir smekk.
Skar höfuðleðrið af íslenskri konu
Skiptir miklu meira máli en fólk grunar
„Umsátursástand“
Hvorki sést áður hér á landi né annars staðar
Kostnaður meiri en milljón á fermetra
/frimg/1/48/74/1487454.jpg)
Heldur inn í nóttina tuttugu kílóum léttari