Þó að það sé almennur aðhaldstími þýðir ekki að lífið sé tóm leiðindi. Þvert á móti er þetta stórkostlegur tími til að prufa sig áfram í eldhúsinu og búa til eitthvað sem maður hefur mögulega ekki smakkað áður, eins og þennan létta jógúrtís sem Berglind Hreiðars á Gotteri.is á heiðurinn að.
Ísinn er með hrákökubotni og er alveg hreint sjúklega girnilegur. Hún segir að gott sé að eiga hann í frysti og taka út bita og bita í senn.
Léttur jógúrtís
Botn
- 120 g döðlur
- 90 g brasilíuhnetur
- ½ tsk. salt
- 1 tsk. vanilludropar
- 2 msk. bökunarkakó
- 2 msk. kókosmjöl
- 3 tsk. vatn
Aðferð:
- Allt sett saman í matvinnsluvél og unnið þar til þéttur massi.
- Setjið um eina matskeið í hvert pappaform og þrýstið yfir botninn.
Jógúrtís
- 2 x létt vanillujógúrt
- 1 ½ dl þeyttur rjómi
- 1 banani
- 10 fersk jarðarber + meira til skrauts ef þess er óskað
Aðferð:
- Maukið saman banana og jarðarber í blandara.
- Blandið jógúrti saman við þeyttan rjómann.
- Hellið ávaxtamaukinu saman við jógúrtblönduna og hrær þar til vel blandað.
- Skiptið niður í pappaformin með því að hella yfir hrákökubotninn.
- Skerið niður jarðarber og setjið á toppinn sé þess óskað, ekki nauðsynlegt.
- Frystið í nokkrar klukkustundir (yfir nótt) og losið þá úr formunum.
- Gott að geyma í boxi í frystinum og ná sér í einn og einn ís þegar gera á vel við sig.
Það er æðislegt að eiga molana í frystinum og grípa þegar sykurþörfin kallar. Gott að leyfa ísnum að standa í nokkrar mínútur til að mýkja hann upp áður en hans á að njóta.