Verðlaunabarþjónninn Jónmundur Þorsteinsson á Apótekinu er aldrei leiðinlegur þegar kemur að því að fá frísklega kokteiluppskrift. Þessi hitti beint í mark og það verður að segjast að það er allt of sjaldan boðið upp á kokteil í dúfuglösum með myntu- og dillstéli. Allt of sjaldan!
Djúsí dúfa
Innihaldsefni:
1 cm agúrka
6 myntulauf
22 ml lime-safi
15 ml granateplasíróp
15 ml Rabarbara frá Reykjavík distillery
45 ml Beefeater
Gúrka og mynta eru marin í hristara.
Því næst fara öll innihaldsefnin ofan á gúrku- og myntumaukið í hristarann.
Bætið klaka við og hristið vel saman.
Síið í gegnum ristina á hristaranum og hellið í skemmtilegt glas. Ekki er verra ef þið eigið eins og eitt dúfuglas!