Hver ætli sé vinsælasta eldhúsinnréttingin í Ikea? Þegar stórt er spurt er ekki annað hægt en að komast að hinu sanna og svarið kemur svo sem ekki á óvart en að sögn Ikea eru vinsælustu innréttingarnar þeirra matt hvítar VOXTORP sem eru höldulausar og síðan háglansandi hvítar RINGHULT innréttingar. Greinilegt er að landsmenn eru enn fremur áhættufælnir í litavali sem er í góðu lagi en áhugavert verður að sjá hvernig listinn lítur út á komandi ári í ljósi þeirrar miklu litadýrðar sem nú er í öllum hönnunarblöðum.

Hvítar innréttingar eru mjög öruggur kostur og hægt er að skreyta þær rækilega með máluðum veggjum, opnum hillum eða hverju því sem viðkomandi dettur í hug.