Það er alltaf gaman að sjá hvernig veitingastaðir líta út eftir opnun og hér gefur að líta veitingastaðinn GOTT sem opnaði í Reykjavík á dögunum. Veitingastaðurinn er staðsettur á Reykjavík Konsúlat hótelinu í Hafnarstræti og verður ekki annað sagt en að hann komi vel út.
Hlýleikinn er mikill en jafnframt er að finna veglegan bar sem gegnir jafnframt hlutverki hótelbars. Staðurinn er afskaplega hlýlegur og á eflaust eftir að falla vel í kramið hjá höfuðborgarbúum. Það voru THG arkítektar sem sáu um hönnunina.
Við birtum einnig nýlega myndir af eldhúsi Gott hjónanna sem þau tóku nýverið í gegn.