Friðrika Hjördís Geirsdóttir hefur farið fögrum orðum undanfarna morgna um ágæti græju nokkurrar sem hún skilur vart við sig en eins og alþjóð veit stýrir hún skemmtilegasta morgunþætti landsins á K100 ásamt Loga Bergmann og Rúnari Frey Gíslasyni.
Um er að ræða ferðablandara nokkurn sem virðist geta breytt vatni í vín ef marka má orð hennar... eða berjum í gómsætan þeyting.
Friðrika eða Rikka eins og hún er betur þekkt sem ekki farið leynt með ánægju sína og staðfesti í samtali við Matarvefinn að græjan góða væri jafn góð og lofað væri í myndbandinu hér að neðan.
Panta þarf græjuna erlendis frá og hægt er að nálgast hana hér. Blandarinn kostar nú á tilboði rúmar 6.000 krónur sem þykir nokkuð gott verð.