Veisluborð í frábæru fótboltaþema
Ester Hilmarsdóttir
Setja bókamerki
Það er misjafn metnaðurinn hjá fólki, á meðan sumir láta nægja að henda í eina eðlu fyrir stóra leikinn og kæla nokkra bjóra eða gos, taka aðrir gleðina aðeins lengra. Hér eru nokkrar hugmyndir fyrir þá sem vilja láta hendur standa fram úr ermum hvað varðar veisluhöld fyrir stóra leikinn á föstudaginn. Sá sem stóð að þessu fallega veisluborði í fótboltaþema verður seint sakaður um metnaðarleysi.
Svartur og hvítur smellpassar við fótboltaþema. Ef þið eigið til röndóttan borðdúk í svörtu og hvítu kemur það mjög sportlega út. Svo klikkar ekki að bæta við blöðrum í svörtu og hvítu.
Gervigras er miðpunktur borðsins, það má auðveldlega íslenska þetta borðskraut og föndra með röndóttum sogrörum, útprentuðum stöfum í fallegu letri, skærum og lími. Áfram Ísland!
Grænar servíettur færu afar vel á þessu borði. Svo er sniðugt að bjóða upp á bjór frá þeim löndum sem eru að keppa. Spurning hvort hægt sé að næla sér í nígerískan mjöð einhvers staðar? Útprentaðar myndir af eftirlætisleikmönnum koma skemmtilega út á veisluborðinu og eru líklegar til að brjóta ísinn og koma af stað fjörugum samræðum.
Nemendur í HÍ reistu tjaldbúðir án leyfis
Beint: Frambjóðendur skila inn listum
„Höfum ekki náð að skríða upp úr þeirri gryfju“
Gígbarmurinn hækkað frá því í gær
Tveir í bílnum sem lenti utan vegar
Krefjast stöðvunar framkvæmda
Kaldasti veturinn kom að óvörum