Jói á Fabrikkunni biðlar til Matartipsara!

Jóhannes Ásbjörnsson eigandi Hamborgarafabrikkunnar.
Jóhannes Ásbjörnsson eigandi Hamborgarafabrikkunnar.

Hópurinn Matartips! á Facebook telur nú um 30 þúsund meðlimi og eru þar alla jafna líflegar umræður um allt sem viðkemur mat, uppskriftum, hráefni, veitingastöðum og nú... ný-yrðum. 

Jóhannes Ásbjörnsson - betur þekktur sem Jói á Hamborgarafabrikkunni biðlaði til Matartipsara og bað um aðstoð við þýðingu á enska orðinu relish þar sem hann er að þróa sína eigin alíslensku blöndu. 

Viðtökurnar stóðu undir væntingum og gott betur og hér gefur að líta nokkrar af heitustu tillögunum: 

  • Gúrmelaði
  • Gúrkmelaði
  • Gúrkumauk
  • Súrka
  • Gúrkí
  • Gúrkús
  • Sætsúrsi
  • Gúrlat
  • Gúrkusúrjukk
  • Sætgúrkumauk
  • Súrmauk
  • Særkrás

Eins og sjá má er enginn skortur á snjöllum hugmyndum og spennandi verður að sjá hvaða tillaga verður fyrir valinu. 

mbl.is
Fleira áhugavert
Fleira áhugavert