Gourmet í Grundarfirði

Í Grundarfirði er að finna veitingastað sem er vel þess virði að heimsækja enda státar hann í senn af frábærum matseðli, sérlega fallegu umhverfi og mögulega besta útsýni á Íslandi. 

Bjargarsteinn Mathús er í eigu hjónanna Guðbrands Garðarssonar og Selmu Rutar Þorkelsdóttur. Selma er frá Grundarfirði og settust þau að þar fyrir nokkrum árum og hafa verið að byggja Bjargarstein hægt og rólega upp. 

Vinsældirnar eru miklar en það eru þó mest ferðamenn sem heimsækja staðinn þó að Íslendingarnir séu vissulega til staðar. 

Maturinn þykir hreint frábær en Guðbrandur er gamalreyndur í bransanum og starfaði í fjöldamörg ár erlendis áður en fjölskyldan flutti sig um set og skaut rótum í Grundarfirði. 

Það er vel þess virði að gera sé góða dagsferð vestur á Snæfellsnes og njóta þess besta sem Nesið hefur upp á að bjóða á Bjargarsteini. 

Heimasíðu staðarins er hægt að nálgast HÉR.