Glöggir neytendur hafa væntanlega tekið eftir nýjum umbúðum á kjöti framleiddu af Ferskum kjötvörum í verslunum undanfarið en um er að ræða nýja pökkunaraðferð sem boðar byltingu í minnkun plastnotkunar hér á landi.
Að sögn framleiðenda mun plastnotkun fyrirtækisins minnka um 30 tonn á ári með þessari nýju pökkunaraðferð en hér áður fyrr innihélt hefðbundin sölueining 21 gramm af plasti en er nú með nýju aðferðinni einungis 3 grömm.
Ferskar kjötvörur eru með þeim fyrstu í Evrópu til að taka upp þessa nýju pökkunaraðferð sem mælist greinilega vel fyrir hjá neytendum.