Ommeletta af allra bestu gerð

• 1 tsk. ólífuolía til steikingar
• 1 stórt hvítlauksrif
• ½ kúrbítur
• 5 egg
• 2 msk. rjómi
• 2 salvíustilkar
• 200 g belgbaunir
• 100 g geitaostur
• Salt og pipar

Salat:

• Frisé-salat
• 75 g rucola
• Handfylli kerfill
• 1 rauðlaukur
• ¼ sítróna
• 4 msk. ólífuolía
• Salt og pipar

Aðferð:

1. Hitið pönnu með olíu og merjið hvítlaukinn út á pönnuna. Skerið kúrbítinn í skífur og steikið á pönnunni.
2. Hrærið eggin saman við rjómann. Hellið hvítlauksolíunni af pönnunni og leggið salvíublöðin á pönnuna. Veltið salvíu og kúrbít saman og hellið því næst eggjablöndunni út á og lækkið í hitanum.
3. Opnið belgina á baununum og geymið um 1/3 til hliðar fyrir salatið. Dreifið baununum yfir ommelettuna og leyfið þeim að leggjast í blönduna. Losið aðeins um ommelettuna og leggið hana saman til helminga.
4. Skerið geitaostinn í skífur og dreifið yfir ommelettuna. Skreytið með salvíublöðum og kryddið með salti og pipar.
5. Salat: Rífið salatið niður og blandið saman við rucola, kerfil og rauðlauk. Pressið sítrónusafa í skál og hrærið saman við olíu, saltið og piprið. Hellið dressingunni yfir salatið og dreifið baunum yfir.