Langbesta guacamole uppskriftin

Þessi ídýfa er betri en allar aðrar sem þú hefur ...
Þessi ídýfa er betri en allar aðrar sem þú hefur smakkað. mbl.is/Becky Hardin - The Cookie Rookie

Hér ber að kynna eina bestu guacamole-uppskrift sem sést hefur. Við sem elskum mexíkóskan mat getum ekki látið ídýfu sem þessa fram hjá okkur fara. Þessi er ein af þeim sem hægt er að japla á allan daginn ef því er að skipta.

Ídýfan sem þú mátt ekki láta fram hjá þér fara

  • ¼ bolli ferskt kóríander, saxað
  • 3 msk. hvítur laukur, marinn
  • ½ tsk. kosher-salt
  • 1 jalapenjo, smátt skorinn
  • 900 g avókadó
  • 2-3 msk. nýkreistur lime-safi
  • Tortilla-flögur
  • Tómatar, saxaðir til skrauts

Aðferð:

  1. Maukið saman 2 msk. kóríander, lauk, salti og jalapenjo.
  2. Bætið næst avókadó út í og lime-safa og maukið áfram saman. Bætið varlega kóríander út í.
  3. Smakkið til með salti og lime safa.
  4. Skreytið með söxuðum tómötum og berið fram með tortilla-flögum.
mbl.is/Becky Hardin - The Cookie Rookie
mbl.is