Syndsamlega einfaldur eftirréttur

Eftirréttir ættu að vera miklu oftar á borðum. Þessi eftirréttur er með þeim einfaldari og ekki er verra að hann er líka mjög góður. Það er Hanna sem á þessa girnilegu uppskrift en matarbloggið hennar er hægt að nálgast HÉR.

„Ef það leynast ennþá rifsber á runnunum í garðinum eða í frystinum er upplagt að nota þau. Mér finnst rifsber og hindber vera besta blandan en annars má nota þau ber sem hverjum og einum finnst best. Enn og aftur er ég að prófa mig áfram með leirpottana mína en að sjálfsögðu má nota annað ílát sem þolir að fara í ofninn.“