Það er svo handhægt að grípa í eldhúsrúlluna og þurrka upp allskyns óhöpp og nota við þrif. En þó að rúllan sé auðveldasti kostur þá er hún ekki alltaf besti kosturinn. Hér eru fimm atriði þar sem eldhúsrúllan ætti ekki að koma við sögu.

Flísafúga: Það er ekkert sem eldhúspappír mun geta hjálpað þér í þessari stöðu. Skítug fúga á milli flísa mun einungis tæta pappírinn niður og skíturinn situr sem fastast. Notaðu frekar gamlan tannbursta og þrifin verða leikur einn.

Gluggar og speglar: Ajax og eldhúsrúlla var lengi vel skothelt vopn við skítugum gluggum og speglum, en það eru gamlar fréttir. Best er að nota örtrefjaklút í verkið en þá má líka nota aftur og aftur. Eins er dagblað frábær kostur sem skilur ekki eftir sig neinar rákir á glerinu.

Uppsafnað ryk: Besta leiðin til að þrífa uppsafnað ryk, til dæmis við glugga er ekki með eldhúsrúllunni. Hér drögum við fram ryksuguna og tökum það mesta. Bleytum síðan örtrefjaklút og nuddum skítinn burt. Tuskan er þykkari í sér en pappírinn og kemur því að betri notum.

Teppi: Ef það hefur sullast niður á mottuna eða teppið er best að ná í hreinan hvítan klút frekar en eldhúsrúllu sem mun bara skilja eftir tættan pappír út um allt þegar hann blotnar. Og ef þú ætlar að þrífa gamlan blett í mottunni, þá er örtrefjaklúturinn málið.

Græjurnar: Jafnvel mjúkustu eldhúsrúllurnar eru ekki að fara koma í staðinn fyrir örtrefjaklútinn þegar þrífa á eldhúsgræjurnar – eða aðrar græjur yfir höfuð eins og lyklaborðið eða símann.

Tengdar fréttir

Húsráð

Ráð fyrir ferskustu handklæðin

• Svona þrífur maður hvíta skó
• Þess vegna ættir þú að borða papaja daglega
• Svona geymast eggjahvítur og eggjarauður best
• Matvæli sem róa magann

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt