Hér erum við að tala um metnað enda dugar ekkert minna ef það á að skella í almennilegt bollukaffi. Þessa dásemd úr smiðju Sylvíu Haukdal er að finna í bollubæklingi Hagkaups sem er algjörlega geggjaður og stútfullur af uppskriftum frá Evu Laufeyju og Sylvíu.
Karamellubolla með Lindor ganache og karamellukurli
Karamellu-súkkulaðiganache:
- 100 g karamellu Lindor-kúlur
- 40 ml rjómi
Karamellusúkkulaði rjómi:
- 100 g karamellu Lindor-kúlur
- 40 ml rjómi
- 400 ml rjómi
- karamellukurl
Aðferð:
Karamellu-súkkulaðiganache
- Hitið rjómann upp að suðu og hellið yfir Lindor-kúlurnar (saxaðar).
- Hrærið vel saman og látið kólna örlítið.
Karamellusúkkulaðirjómi:
- Hitið 40 ml af rjóma upp að suðu og hellið yfir Lindor-kúlurnar (saxaðar), hrærið vel saman og látið kólna örlítið.
- Þeytið rjóma og blandið öllu varlega saman.
Samsetning:
- Smyrjið karamellusúkkulaðrjómanum á botninn og stráið karamellukurli yfir.
- Smyrjið karamellusúkkulaðiganache á lokið og stráið karamellukurli yfir.