Flatbrauð að ítölskum hætti

Ekta piadina eins og Ítalirnir gera það.
Ekta piadina eins og Ítalirnir gera það. mbl.is/Colourbox

Piadina er heitið yfir flatbrauð eins og Ítalir kjósa að bera það fram. Fyllingin getur verið allt frá gúrme skinku yfir í ostaveislu – í raun allt það sem hugurinn girnist. Hér er uppskrift að ekta piadina sem þú munt elska.

Flatbrauð á ítalska vísu (fyrir 2-4)

  • 4 flatbrauð
  • 100 g rjómaostur með hvítlauk
  • 1 kúrbítur
  • 1 rautt chili
  • 1 stórt hvítlauksrif
  • 1 brokkolí haus
  • Ólífuolía
  • 100 g spínat
  • Raspaður sítrónubörkur
  • Salt og pipar
  • 100 g gouda eða provolone í skífum

Aðferð:

  1. Smyrjið tvö flatbrauð með rjómaostinum.
  2. Skerið kúrbítinn í skífur. Saxið chilil og hvítlauk smátt. Skerið einnig brokkolí í minni bita. Steikið upp úr olíu á pönnu í 3 mínútur. Bætið þá spínatinu saman við og látið malla áfram þar til spínatið hefur fallið saman.
  3. Smakkið til með röspuðum sítrónuberki, salti og pipar.
  4. Setjið fylllinguna jafnt ofan á flatbrauðið með rjómaostinum og dreifið gouda eða provolone-osti yfir. Leggið flatbrauð ofan á og skerið til helminga. Bakið í ofni eða setjið á grillið þar til osturinn hefur bráðnað.
  5. Berið piadina fram heitt.
mbl.is