Fyrir helgina barst krafa frá stjórnvöldum í Danmörku um grímuskyldu í matvöruverslunum. Viðskiptavinum verður þó ekki vísað frá ef þeir gleyma grímunni heima.

Matvörukeðjan Coop, sem stendur á bak við Kvickly, Superbrugsen, Dagli'Brugsen, Fakta og Irma, mun selja grímur við innganginn í verslununum til þess að komast inn – en stykkið kostar í kringum 70 krónur íslenskar. Coop hefur stuðst við sambærilegt kerfi í verslunum sínum í Norður-Þýskalandi og nú Danmörku, og hefur reynst vel.

Forsvarsmaður Coop segir að nóg sé til af grímum, en um 10 milljónir séu í verslunum í dag og aðrar 18 milljónir til á lager. Starfsmenn verslananna bera allir grímu nema þeir vinni á bak við plexígler. Krafa um grímunotkun í matvöruverslunum stendur fram til 2. janúar 2021, nema annað komi fram.

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt