Matur | Jólauppskriftir KYNNING | 19.12.2020 | 13:04 | Uppfært 25.11.2021 13:05

Jólapaté Sigríðar í Kjöthöllinni

Einn af uppáhaldsjólaréttum Sigríðar Björnsdóttur í Kjöthöllinni er jólapaté með eplum og negul og segir hún réttinn mun einfaldari í undirbúningi en fagurt útlit hans gefur til kynna.

Hún féllst á að gefa okkur uppskrift að patéinu, sem er fyrir löngu orðið landsfrægt.

Frétt af mbl.is

Íslenskur sælkeramatur á netinu

Jólapaté Sigríðar í Kjöthöllinni

1 kg hökkuð lifur (fæst að sjálfsögðu í Kjöthöllinni)
400 g svínaspekk (fæst einnig í Kjöthöllinni)
2 meðalstórir laukar
2 stór jonagold-epli (eða 4 lítil)
4 tsk. pipar
3 tsk. salt
4 tsk. allrahanda (krydd)
2 tsk. negull
3 stk. egg
4 msk. hveiti

Aðferð:

Laukur og epli hökkuð saman í hakkara eða matvinnsluvél.
Þá er hakkaðri lifur, spekki, lauk og eplum blandað vel saman í skál, auk krydds, eggs og hveitis.
Blandið öllu vel saman og hellið síðan í form. Setjið formin í djúpa ofnskúffu og hellið vatni í hana, eins miklu og hægt er.
Bakið við 175°C í u.þ.b. 75 mín. eða þar til paté-ið er orðið fallega brúnt.