Einn þekktasti – og dýrasti – veitingastaður heims, Eleven Madison Park í New York, hefur tilkynnt að ekki verði lengur selt þar kjöt og hætt verði með nánast allar dýraafurðir.

Tilkynningin hefur ollið miklu fjaðrafoki enda þykir hún marka mikil tímamót. Eigandi og yfirkokkur staðarins, Daniel Humm, segir að framtíðin sé grænmeti, bæði ræktuðu á landi og úr sjó, ávextir, baunir, sveppir og korn svo fátt eitt sé talið. Það eina úr dýraríkinu sem boðið verði upp á er mjólk og hungang með te og kaffi.

Staðurinn mun enduropna 10. júní þar sem smakkseðill staðarins kostar um 40 þúsund krónur. Segir Humm að þetta sé áskorun fyrir staðinn sem hann hlakki til að takast á við en sé fyrst og fremst gert af umhverfisástæðum. Heimsfaraldurinn hafi opinberað hversu ósjálfbært ríkjandi kerfi sé og það þurfi að breyta áherslum í mataræði. Því hafi verið ljóst að Eleven Madison Park gæti ekki opnað í sinni núverandi mynd heldur þyrfti róttækar breytingar.

Staðurinn er þó ekki sá eini sem hefur stigið þetta skref því martreiðslusíðan vinsæla Epicurious tilkynnti á dögunum að þar yrðu ekki lengur birtar uppskriftir sem innihéldu nautakjöt auk þess sem matvælarisar á borð við Burger King og Dunkin´ eru farnir að bjóða upp á kjötlausa valkosti sem þykir stórt og mikilvægt skref.

Ljósmynd/EMP/Instagram

Daniel Humm. Ljósmynd/EMP/Instagram

Tengdar fréttir

Erlend veitingahús

Syndsamlegt að horfa á þessa ostadýrð

• Eftirminnilegt síðdegiste með útsýni yfir Sydney höfn
• Beef Wellington á öðru plani
• Sjáðu töfrana gerast þegar eftirrétturinn er borinn fram
• 50 bestu kaffihúsin í London

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt