Bakaðir camembert-ostateningar

• 11⁄2 stk. kryddostur með camembert
• 2 msk. hlynsíróp
• 2 msk. púðursykur
• 50 g pekanhnetur
• 1 stk. pera
• 1⁄2 tsk. salt
• smá pipar

Aðferð:

1. Skerið ostinn og peruna niður í teninga og grófsaxið pekanhneturnar.
2. Setjið sykur og síróp saman í pott og hitið við vægan hita þar til sykurinn leysist upp, bætið þá perum, pekanhnetum, salti og pipar í pottinn og leyfið að malla við vægan hita í um 5 mínútur.
3. Setjið ostateninga í lítið eldfast mót á víxl við pekanhnetublönduna og bakið í 190°C heitum ofni í 12-15 mínútur.
4. Berið fram með ristuðu baguettebrauði og skreytið með timían sé þess óskað.