Norðlenskir hitabylgju-klattar

Súkkulaðiklattar eru ómissandi snarl í ferðalagið.
Súkkulaðiklattar eru ómissandi snarl í ferðalagið. Mbl.is/Vorhús

Hér eru ómótstæðilegir súkkulaði-hafraklattar að koma úr ofninum. Mjúkir, sætir og seðjandi, og það úr smiðju Vorhúss á Akureyri, þar sem sólin er í glennukeppni þessa dagana. Klattarnir eru því upplagðir til að taka með í ferðalagið og njóta þegar hungrið gerir vart við sig á ferðinni.

Norðlenskir hitabylgju-klattar

  • 250 g mjúkt smjör
  • 100 g sykur
  • 160 g púðursykur
  • 2 tsk. vanillusykur
  • 2 egg
  • 190 g hveiti
  • 1 tsk. matarsódi
  • 1/2 tsk. salt
  • 230 g haframjöl
  • 80 g kókosmjöl (má sleppa og setja meira haframjöl)
  • 100 g ljósir súkkulaðidropar
  • 100 g dökkir súkkulaðidropar
  • 100 g rúsínur – má sleppa en setja þá súkkulaði í staðinn (má líka vera smartís fyrir ungu kynslóðina)

Aðferð:

  1. Hitið ofn í 170 gráður með blæstri.
  2. Þeytið vel saman smjör, sykur, púðursykur og vanillusykur og bætið eggjunum út í einu í einu. Þeytið allt svo vel saman.
  3. Setjið þurrefnin saman í skál og blandið ásamt súkkulaðinu, kókos og rúsínum. Hellið út í smjörblönduna smátt og smátt á meðan þeytt er. Hrærið vel.
  4. Skiptið deiginu í kúlur, sirka vel kúfuð matskeið, og setjið á bökunarpappír, og inn í ofn. Bakið í 8-9 mínútur. Passið að baka kökurnar ekki of lengi því þær eiga að vera mjúkar. Leyfið kökunum að kólna á plötunni áður en þið takið þær af.
  5. Og njótið svo með ykkar nánustu.
mbl.is