Lúxushótelið Deplar Farm leitar nú að matreiðslumanni í fullt starf en fullyrt er að miklir möguleikar séu í boði fyrir réttan einstakling.

Fyrir þá sem eru ekki með það á hreinu eru Deplar Farm hótel í eigu Eleven Experience og er sjálfsagt dýrasta og fínasta hótel landsins. Verð fyrir gistinóttina hleypur á hundruðum þúsunda þannig að hinn venjulegi Íslendingur skellir sér seint þangað yfir helgi.

Á hinn bóginn er hér um að ræða spennandi tækifæri fyrir metnaðarfullt matreiðslufólk þar sem metnaðurinn sem einkennir hótelið nær að sjálfsögðu líka til eldhússins.

Í auglýsingunni sem staðurinn birti kemur meðal annars fram að:

Eleven Experience á Íslandi leitar nú að yfirmatreiðslumanni til að starfa á lúxus-sveitasetrinu Deplar Farm í Fljótum, Skagafirði. Á Deplum er lögð áhersla á að veita gestum fyrsta flokks matarupplifun. Íslensk hráefni og nýting á nærumhverfi eru megináherslur matseldar á Deplum.

Um er að ræða spennandi og krefjandi starf með mikla möguleika fyrir réttan aðila. Starfið er fullt starf og er fyrir norðan á Deplar Farm.

Helstu verkefni og ábyrgð

• Ábyrgð á rekstri eldhússins
• Ábyrgð á öllu sem snýr að hráefni, innkaupum og móttöku, samningum og almennu birgðahaldi
• Ábyrgð á starfsmannahaldi; stjórnun, ráða og þjálfa
• Sérsníða matseðil
• Geta skilað hágæðavinnu (þar á meðal matreiðslu og stjórnun) í kraftmiklu, hröðu vinnuumhverfi
• Ganga úr skugga um að eldhúsið sé öruggt og hreint, tryggt að reglum heilbrigðisyfirvalda sé fylgt til hins ítrasta.

Menntunar- og hæfniskröfur

• Sveinspróf og/eða meistarapróf
• Þekking á íslensku hráefni og réttum
• Góð enskukunnátta
• Ökuskírteini
• Mikil skipulagshæfileiki og sveigjanleiki í starfi
• Frábær þjónustulund og samskiptahæfni
• Frumkvæði, sköpunarkraftur og sjálfstæð vinnubrögð

Vinsamlegast sendið umsókn ásamt ferilskrá á hheidarsdottir@elevenexperience.com

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt