Mikil eftirvænting hefur verið hjá aðdáendum Skúbb síðastliðnar vikur vegna Skúbb jólaíssins í aðdraganda jólahátíðarinnar. Fyrirtækið hefur svarað kallinu og setur aftur á markað jólaís með ristuðum möndlum og gómsætu karamellusúkkulaði. Ísinn kom fyrst á markað fyrir síðustu jól og var mjög vinsæll að sögn for­svars­manna Skúbb. Hann var þá framleiddur í takmörkuðu upplagi og svo er einnig nú.

„Jólaísinn okkar hefur fest sig í sessi hjá mörgum yfir hátíðirnar og því mikil gleði meðal viðksiptavina okkar að ísinn sé kominn aftur í verslanir,“ segir Ása Hlín Gunnarsdóttir, markaðsstjóri Skúbb.

Skúbb ís­gerð fram­leiðir einnig ís­tert­ur og er jólaís­tert­an í ár einnig með ristuðum möndl­um og góm­sætu kara­mellusúkkulaði toppuð með kara­mellu súkkulaðihjúp, kirsu­berja compoté og möndl­um. Þetta er sann­kallaður jólaís, ljúf­feng­ur og góm­sæt­ur og mun án efa verða vinsæll um hátíðarnar eins og í fyrra.

Ísinn fæst í Hag­kaup, Nettó, Frú Laugu, Mela­búðinni, Skag­f­irðinga­búð og í ísbúð Skúbb á Laug­ar­ás­vegi 1.

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt