Matur | mbl | 18.3.2024 | 18:00 | Uppfært 20:23

Salat vikunnar ómótstæðilegt andasalat með appelsínusósu

Ómótstæðilegt andasalat borið fram með hnetublöndu og appelsínusósu. Ljósmynd/Jón K. B. Sigfússon

Hið ómótstæðilega andasalat Vínstofunnar er salat vikunnar á matarvefnum og líka það fyrsta til að hljóta titilinn „Salat vikunnar“. Salat vikunnar verður framvegis fastur liður á matarvefnum og verður valið úr þeim salatuppskriftum sem birtast á matarvefnum og undirrituð verður búin að útbúa og smakka. Andasalat Vínstofunnar er bæði ferskt og létt og þessi appelsínusósa sem borin er fram með andasalatinu er unaðslega góð, hreinir töfrar og sú einfaldasta í heimi. Ég myndi vilja kalla hana leynisósu Vínstofunnar á Friðheimum.

Frétt af mbl.is

Maðurinn bak við töfrana í eldhúsi Vínstofunnar á Friðheimum

Maðurinn bak við töfrana í eldhúsinu, Jón K. B. Sigfússon, ljóstraði upp leyndarmálinu bak við andasalatið á dögunum hér á matarvefnum en salatið er nýtt á matseðli Vínstofunnar. Nú er bara að prófa þetta dýrðlega salat sem boðar vorið og sólina og töfra matargestina upp úr skónum.

Andasalat Vínstofunnar

Fyrir 1-2

Andabringur, 5-6 sneiðar (100 g )
Trönuber og döðlur eftir smekk
Ferskt basil, gróf saxað
Piccolo tómatar ,skornir í tvennt
Mozzarella perlur eftir smekk
Mandarínur eða appelsínu, skornar í teninga
Granateplafræ
Bláber eftir smekk
Spírur eftir smekk

Hnetublanda

Pekanhnetur eftir smekk
Furuhnetur eftir smekk
Möndlur eftir smekk

Aðferð:

Byrjið á því að hita ofninn í 150°C hita.
Brúnið andabringuna á pönnu og kryddið með salti og pipar eftir smekk.
Rífið appelsínubörk yfir og klárið að elda öndina í ofni í 15 mínútur við 150 °C hita.
Hægt að bera öndina fram volga eða kalda, fer eftir smekk hvers og eins og aðstöðu að hverju sinni.
Ristið hnetublönduna á pönnu með smá salti og trönuberjum og bætið síðan döðlum út í heita blönduna.
Setjið síðan saman salatið að vild.

Köld appelsínusósa