Arnarnesið í Garðabæ er vinsæll staður til að búa á. Á dögunum setti Ágúst Birgisson lýtalæknir einbýlishús sitt við Haukanes á sölu. Um er að ræða 274 fm einbýli sem reist var 1973. Húsið er á tveimur hæðum og afar glæsilegt með risastóru steyptu bílaplani fyrir utan og vel skipulögðum garði sem nostrað hefur verið við. 

Húsið hefur verið mikið endurnýjað á stílhreinan hátt. Hvítar sprautulakkaðar innréttingar prýða eldhúsið og má þar finna svartan granítstein. Tveir bakaraofnar eru í eldhúsinu og stór eyja setur svip sinn á eldhúsið. 

Eyjan í eldhúsinu er stór og myndarleg með granítsteini.

Í eldhúsinu eru hvítar sprautulakkaðar innréttingar og tveir bakaraofnar.

Úr húsinu er gott útsýni út á Fossvoginn en þar er líka gróðursæll suðurgarður þar sem hægt er að njóta veðursældar. 

Nú hefur húsið verið selt á 225.000.000 kr. Kaupendur eru María Jóhanna Sigurðardóttir, oftast kölluð Hanna Maja, og Lárus Guðmundsson. Hún er sminka en hann hefur verið í veitingarekstri. 

Húsið stendur á horni og er gott útsýni af efri hæðinni út á Fossvoginn.

Fram kom í fréttum á mánudaginn að Ágúst hefði fest kaup á einbýlishúsi við Láland í Fossvogi. 

Frétt af mbl.is

Ágúst lýtalæknir keypti einbýli í Fossvogi

Smartland óskar Hönnu Maju og Lárusi til hamingju með nýja húsið! 

Garðurinn í kringum húsið er vel hannaður með steyptu bílaplani og fallegum gróðri.

Tengdar fréttir

Heimili

Þetta eru fimm ódýrustu sumarhús landsins

• 498 fm lúxushöll með bíósal og vínherbergi í Garðabæ
• 190 milljóna sumarhús við Þingvallavatn
• Þetta eru fimm dýrustu einbýli landsins
• Sjarmerandi arkitektúrperla í Þingholtunum

» Fleiri tengdar fréttir

Hverjir fluttu hvert

Lúxusvilla í Akrahverfinu vekur athygli

• Kristbjörg selur 270 milljóna lúxusíbúð við Bæjarlind
• Einar Hugi og Margrét selja 245 milljóna glæsihús
• Rut Káradóttir hannaði ný baðherbergi inn á heimili á Seltjarnarnesi
• Áslaug og Egill keyptu hönnunarraðhús í Fossvogi

» Fleiri tengdar fréttir

• Blogga um frétt