Hlín Agnarsdóttir rithöfundur og leikstjóri flutti úr 101, þar sem hún hafði búið mestan part ævi sinnar, til að kaupa helmingi minni íbúð í austurborginni. Íbúðin er um 48 fm að stærð og sérlega vel skipulögð. 

Úr íbúðinni er útsýni yfir Reykjavík og nýtur Hlín þess að sitja í sófanum við stofugluggann og horfa yfir borgina. 

Hlín býr reyndar ekki allan ársins hring í íbúðinni því hún á kærasta í Svíþjóð og er með annan fótinn rétt fyrir utan bæinn Uppsala. Ástarsaga Hlínar er óvenjuleg en hún og kærasti hennar kynntust á námsárunum og voru kærustupar í tvö ár. Svo slitnaði upp úr sambandi þeirra og í 16 ár ríkti alger þögn á milli þeirra eða þangað til þau endurnýjuðu kynnin í gegnum Facebook. Hlín er barnlaus og segir að hún verði stundum sorgmædd yfir því að hafa ekki eignast afkvæmi. Þegar það gerist heilar hún sig og finnur leið til að halda áfram með lífið og  tilveruna. 

Á dögunum gaf Hlín út skáldsöguna Hilduleik, sem fjallar um Hildu sem er komin á „aflifunaraldur“ sem margir kalla eftirlaunaaldur. Þessi aflifunaraldur er Hlín hugleikinn því það styttist í 67 ára afmælið og þá getur allt gerst.

Tengdar fréttir

Heimilislíf

„Ég á kærasta sem er með miklar skoðanir sem er mjög gott“

• Flutti til Íslands þegar Boris Johnson skellti í lás
• Fluttu tíu sinnum á 13 árum og elska að búa í Vesturbænum
• Voru að skoða fúin hús í 101 en enduðu í Hlíðunum
• „Við keyptum húsið og þetta er það sniðugasta sem við höfum gert“

» Fleiri tengdar fréttir

• Blogga um frétt