Steldu stílnum af Gumma kíró
Kírópraktorinn Guðmundur Birkir Pálmason, betur þekktur sem Gummi kíró, er mikill smekkmaður þegar kemur að vönduðum fötum og fylgihlutum. Guðmundur fór nýverið til Parísar í Frakklandi ásamt kærustu sinni, athafnakonunni Línu Birgittu Sigurðardóttur, og virðast þau hafa nælt sér í eitt og annað frá stærstu tískuvörumerkjum heims.
Í París birti Guðmundur til dæmis mynd af sér í einstaklega töff, samstæðu stuttbuxnasetti frá Burberry. Settið má kaupa á vef Burberry en bolurinn kostar 72 þúsund krónur og stuttbuxurnar 67 þúsund krónur.
Kírópraktorinn virðist einnig vera hrifinn af Gucci og birti mynd af sér í stuttermabol frá merkinu við Eiffel-turninn. Sambærilegan bol má finna á vef My Theresa en hann kostar 43 þúsund krónur. Peysu með eins merki og á stuttermabol Guðmundar er einnig að finna á vefnum og kostar hún 97 þúsund krónur.
Guðmundur á einnig hneppta kósípeysu frá Gucci sem hann klæddist meðal annars í ferð parsins á Hótel Geysi. Peysuna má finna á My Theresa og kostar hún 160 þúsund krónur.
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
félags- og fjölskylduráðgjafi svarar spurningum lesenda
Klínískur félagsráðgjafi hjá Lausninni
svarar spurningum um lögfræðileg mál