Jenna Huld Eysteinsdóttir húðlæknir á Húðlæknastöðinni svarar spurningum lesenda Smartlands. Hér fær hún spurningu frá konu varðandi sveppi sem myndast undir brjóstum. 

Sæl Jenna. 

Hvað er hægt að gera við endurteknum svepp undir brjóstum?

Kveðja, 

BN

Sæl. 

Útbrot, roði og kláði undir brjóstum og í húðfellingum er ekki svo óalgengt og það geta legið nokkrar orsakir fyrir því. Algengast er að fá væga sveppasýkingu ef húðin verður mjög rök í húðfellingunum, t.d. vegna svita, og ef húðfellingar eru stórar því þá lokast húðin inn á milli. T.d. er ekki óalgengt að fá þannig útbrot í heitum löndum og þá getur oftast líka komið exem í húðfellingarnar vegna ertingar. Mikilvægt er þó að hugsa út í fleiri orsakir ef þetta er endurtekið, t.d. húðsjúkdóma eins og of mikla svitamyndun (hyperhidrosis), psoriasis, flösuexem, bakteríusýkingar eða þá jafnvel sykursýki. Ég myndi því ráðleggja þér að fá álit húðsjúkdómalæknis ef þú ert ekki búin að því til að vera viss um að greiningin sé rétt. Ef þetta er endurtekin sveppasýking og ertingarexem þá er mjög gott að bera Daktacort-krem á á kvöldin þar til útbrotin hverfa og sinkkrem x1 á dag einnig til að þurrka aðeins húðina og vernda hana gegn rakanum. Til að fyrirbyggja svo versnun þá halda áfram að nota sinkkremið eins oft og þarf og Daktacort x1-2 í viku.

Kær kveðja,

Jenna Huld Eysteinsdóttir. 

Liggur þér eitthvað á hjarta? Þú getur sent Jennu Huld spurningu HÉR. 

Tengdar fréttir

Spurðu húðlækninn

Er þetta rósroði eða eitthvað allt annað?

• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?
• Hvað getur fólk gert til að koma í veg fyrir sortuæxli?

» Fleiri tengdar fréttir

• Blogga um frétt