Knattspyrnudeild Fylkis hefur gengið frá samningi við Maríu Evu Eyjólfsdóttir og kemur hún til félagsins frá Stjörnunni. María lék með Fjölni áður en hún gekk í raðir Stjörnunnar árið 2016.
María lék alla 18 leiki Stjörnunnar í efstu deild á síðustu leiktíð, en hún hefur skorað þrjú mörk í 109 keppnisleikjum í meistaraflokki. Þá lék hún með U16 og U17 ára landsliðum Íslands.
„Við bjóðum Maríu Evu hjartanlega velkomna í Fylki,“ segir í tilkynningu frá Fylki í dag.