Knattspyrnukonan Arndís Snjólaug Ingvarsdóttir leikur ekki meira með Keflavík á leiktíðinni þar sem hún á von á barni.
Gunnar Magnús Jónsson, þjálfari Keflavíkinga, staðfesti tíðindin í viðtali við Vísi í gærkvöldi.
Arndís lék fjóra fyrstu leiki Keflavíkur á leiktíðinni og hefur alls spilað 148 deildarleiki með liðinu og skorað í þeim tíu mörk. Hún á 29 leiki að baki í efstu deild.