Ekkert heyrst frá KSÍ eftir 18 ára landsliðsferil
Setja bókamerki
Ása María Reginsdóttir, eiginkona knattspyrnumannsins Emil Hallfreðssonar, hefur nú stigið fram og gagnrýnt Knattspyrnusamband Íslands fyrir framkomu sambandsins í garð Emils.
KSÍ hefur legið undir harðri gagnrýni undanfarna daga í kjölfar þess að Dagný Brynjarsdóttir tjáði sig um að hún og Glódís Perla Viggósdóttir hefðu ekki fengið treyju að gjöf frá sambandinu eftir að hafa leikið sinn 100. landsleik í apríl á þessu ári.
Aron Einar Gunnarsson, fyrirliði karlalandsliðsins, var heiðraður fyrir sín störf á sunnudaginn var þegar hann fékk treyju merkta sér, með tölustafnum 100, eftir að hafa leikið sinn 100. landsleik gegn Sádi-Arabíu.
„Ég veit bara ekki til þess að nokkrum manni hafi nokkurn tímann verið þakkað fyrir störf sín fyrir KSÍ, Knattspyrnusamband Íslands,“ segir Ása í pistli sem hún birti á Instagram.
„Emil á 18 ára landsliðsferil að baki og hefur ekki heyrt orð frá einum né neinum. Hann var í landsliðinu frá U16 og þegar hann var 36 ára hætti hann að fá kallið.
U.þ.b. 20 ára þjónusta fyrir KSÍ og svo hefur hreinlega ekki heyrst múkk frá sambandinu,“ segir Ása meðal annars en alls á Emil að baki 73 A-landsleiki fyrir Ísland.
Gígbarmurinn hækkað frá því í gær
Banna mengandi búnað sem leyfður er á Íslandi
Strand skemmtiferðaskips kallar á erlenda aðstoð
Þyngri refsing fyrir að nauðga stjúpdóttur æskuvinar
Nemendur í HÍ reistu tjaldbúðir án leyfis
Vonast til að tjaldbúðir við HÍ standi áfram