Enski knattspyrnumaðurinn Danny Welbeck hefur skrifað undir eins árs samning við úrvalsdeildarlið Brighton en þetta kemur fram á samfélagsmiðlum félagsins í dag.
Welbeck, sem er 29 ára gamall, kemur til félagsins á frjálsri sölu en hann lék með Watford í ensku úrvalsdeildinni á síðustu leiktíð.
Welbeck er uppalinn hjá Manchester United þar sem hann lék í sex ár áður en hann gekk til liðs við Arsenal.
Þar lék hann í fimm ár en það hefur lítið farið fyrir leikmanninum undanfarin ár vegna meiðsla.
Framherjinn á að baki 42 landsleiki fyrir England þar sem hann hefur skorað 16 mörk.