Klopp tjáir sig um mögulegan eftirmann

Þjóðverjinn Jürgen Klopp, knattspyrnustjóri karlaliðs Liverpool, tjáði sig um mögulegan eftirmann sinn hjá Liverpool, Roberto De Zerbi, stjóra Brighton. 

Liverpool mætir Brighton á Anfield á sunnudaginn kemur. Liverpool-liðinu hefur tekist illa að eiga við Brighton undanfarið og ekki unnið í síðustu fjórum leikjum liðanna. 

Klopp lætur af störfum eftir tímabilið en Roberto De Zerbi hefur verið orðaður við stjórnvölin hjá Liverpool. 

Roberto De Zerbi er eftirsóttur. AFP/Glyn Kirk

Allt öðruvísi stjóri

Klopp tjáði sig um De Zerbi á blaðamannafundi fyrir leikinn. 

„Ég gæti ekki þjálfað eins og hann, það fer gegn persónuleika mínum. Það er hins vegar mjög gaman að horfa á Brighton og De Zerbi er frábær knattspyrnustjóri. 

Hann er að standa sig mjög vel með Brighton en hans leikstíll er annar en minn,“ sagði Þjóðverjinn. 

Með sigri á Brighton getur Liverpool komist í toppsæti ensku deildarinnar, allavega þangað til úrslitin úr leik Manchester City og Arsenal eru ráðin. 

• Blogga um frétt