Sumarið er að renna í hlað og bera fer á ýmsum sumarnámskeiðum fyrir börn og ungmenni. Þar á meðal eru námskeið í rafíþróttum en nú má finna auglýsingar fyrir slík námskeið hjá Haukum og Selfoss eSports. Virðast því flest félög ætla að halda úti sumarnámskeið í sumar og í raun fá félög sem bæst geta við upp úr þessu.
Áður höfðum við greint frá námskeiðum Rafík, Ármanns, Fylkis, KR og XY Esports.
Haukarnir stefna á að bjóða upp á 10 námskeið í sumar frá 14. júní til 20. ágúst. Eitt námskeið fyrir hádegi frá 9-12 og annað eftir hádegi frá 13-16. Lögð verður áhersla á að skipta niður tímanum á milli leikjaspilunar og hreyfingar. Námskeiðið verður haldið í húsakynnum grunnskólans NÚ að Reykjavíkurvegi 50.
Selfoss eSports verður með námskeið á tímabilinu 14. júní til 16. júlí sem skiptast í m.a. byrjendahópa og hópa fyrir lengra komna, en einnig verður sérstakur hópur til að hvetja stelpur til þátttöku. Námskeiðin verða haldin í rafíþróttaveri Vallaskóla við Engjaveg.