Hin kínverska Danli spilar með liði XY í íslensku úrvalsdeildinni, eða Flatadeildinni, í League of Legends. Danli er eina konan sem spilar í efstu deild í League of Legends á Íslandi.
Þrátt fyrir að vera eina konan í deildinni á þessu tímabili, þá hafa áður konur spilað í deildinni. Danli er hinsvegar eina konan sem hefur verið í byrjunarliði síns liðs í úrvalsdeild League of Legends á Íslandi.
Danli streymir reglulega frá leikjum sínum á Twitch rás sinni.
Heimildarmynd var gerð um líf Danli sem nú er aðgengileg á YouTube. Í myndinni fjallar Danli m.a. um það hvernig hún endaði í íslensku rafíþróttaliði og reynslu sína sem kvenkyns spilari í leiknum.