Arnór Smárason skoraði glæsilegt mark fyrir Helsingborg gegn AIK í sænsku úrvalsdeildinni í knattspyrnu í dag eins og áður hefur komið fram.
Arnór spilaði seinni hálfleikinn og innsiglaði 3:1 sigur Helsingborg rétt fyrir leikslok með hörkuskoti sem sjá má í myndskeiðinu hér fyrir neðan.
Þetta var fyrsti deildarleikur Arnórs með sænska liðinu í ár en hann var lánaður þaðan til Torpedo Moskva í Rússlandi fyrri hluta ársins og gerði þá einmitt tvívegis glæsileg mörk á lokamínútunum í leikjum í úrvalsdeildinni þar í landi.
Markið var svona:
What a goal & comeback with @HelsingborgsIF from @arnorsmaRa! #TeamTotalFootball pic.twitter.com/Jv0FvBCTb9
— Total Football (@totalfl) July 19, 2015